Сваёй мэтай Літара.net (www.litara.net) мае стварэньне пляцоўкі для стасункаў беларускіх творцаў і аматараў беларускай літаратуры, фармаваньне адмысловага community. Сайт ёсьць крыніцай інфармацыі пра тэндэнцыі, напрамкі й стылі беларускай літаратуры, месцам дыскусіяў паміж людзьмі розных перакананьняў і поглядаў. У нас Вы можаце даведацца пра тое, што адбываецца на шляху разьвіцьця сучаснай беларускай літаратуры і ў жыцьці яе стваральнікаў.

Літара.net складаецца з:

• навінаў літаратурнага жыцьця, як суполак, гэтак і асобных аўтараў
• навінаў выдавецтваў, анонсаў новых кніжак і часопісаў
• афішы культурных падзеяў і імпрэзаў
• даведкавай інфармацыі пра беларускія выдавецтвы, арганізацыі, літаратурныя выданьні, пэрсаналіі, сучасную літаратуру
• рэцэнзій на новыя кнігі
• інтэрвію з аўтарамі і крытыкамі
• тэарытычных матэрыялаў
• аглядаў часопісаў
• тэматычных рубрык
• шматлікіх дыскусій

Мы бачым узьнікненьне нашага праекту справай своечасовай і неабходнай, выразна абумоўленай патрэбамі часу. У той момант калі стварэньне offline'авае інфраструктуры немагчыма з-за агульнага недахопу сродкаў, стварэньне віртуальнага літаратурнага цэнтру можна ажыцьцявіць мінімальнымі выдаткамі пры ўмове вашай пэрсанальнай зацікаўленасьці.